وداعاً اللاعب احمد رفعت وتفاصيل سبب وفاته
وفاة اللاعب احمد رفعت
![](https://kemetalan.com/wp-content/uploads/2024/07/FB_IMG_1720243506732-542x470.jpg)
احمد رفعت من حوالي تلات شهور بس كان سليم وعنده صحه يجري وينزل ماتشات كامله، ومن اسبوع كانوا بدأوا يقولوا أنه اتحسن وهينزل التدريبات..
شاب رياضي، معاه فلوس وحياة الناس تتمناها، مرة واحدة يسقط بدون تدخل، يحتاج فترة للتعافي، ثم يتعافى، ويطلع في لقاء يطمن الناس عليه، ثم فجأة يتوفاه الله!
هي دي الدنيا باختصار شديد، ومن لم يعتبر بهذه الأمثال عمر ما هيكون له واعظ، قبضة القلب اللي حصلتلك لما سمعت الخبر هي خير دليل على ذلك.
كلنا رايحين لنفس المصير، مهما اختلفت الطريقة، المهم مين فينا مستعد ده يعلمك ان مفيش حاجه بتفضل علي حالها، ربنا لو قال كن هيكون
قربوا من كل اللي بتحبوهم جايز في لحظة نتحرم منهم او يتحرمو مننا، متنامش وانت متخانق مع اللي بتحبهم، عرفو بعض كل ساعة و كل دقيقة إنكم بتحبو بعض، احضنو بعض، محدش عالم مين معاده قرب و مين فينا كمان ثواني مش هيبقي وسطنا.
اللهم اجرنا من موت الغفلة، اللهم اجعلنا من الذين اذا نظرت لهم تنظر إليهم نظرة رضا، اللهم اذا جاء معادنا فـ ردنا إليك رداً جميلاً و لا تأخذنا و بِنَا ذنوب..
أقرا الفاتحة علي روح احمد رفعت و ادعوله هو محتاج الدعاء و احنا في يوم هنحتاجه.